«Real» hujumchisi Rodrigo Yevroa chempionlar ligasi chorak final bosqichi doirasida bo‘lib o‘tgan «Chelsi»ga qarshi o‘yin (2:0) borasida o‘z fikrini bildirib o‘tdi. Mazkur bahsda braziliyalik futbolchi 2ta gol muallifiga aylandi. U birinchi golni u Krishtianu Ronaldu uslubida nishonladi.

«Evropa chempionlar ligasi bizga nima uchun bu qadar ta’sir ko‘rsatishini hamon tushunmayman. Ammo shuni aytishim mumkinki, bu turnirda qandaydir o‘ziga xoslik bor.

Har qanday o‘yindagi mening yagona maqsadim — jamoamga yordam berish. O‘ynashda va gol urishda davom etishni istayman. Shuningdek, Chempionlar ligasida ko‘p sovrinlarni qo‘lga kiritishni xohlayman.

Birinchi golni urganimda tizzam bilan maydonda sirpanishni istagandim, ammo tizzamni ehtiyot qilish maqsadida hayolimga golni Krishtianu uslubida nishonlash g‘oyasi keldi.

Mana shunday buyuk klubda o‘ynash — qanday sharaf. O‘yin boshida o‘z imkoniyatlarimizni qo‘ldan chiqarganimizda, Kurtua bizni qutqardi. Endi esa yarim finalda bizga kim raqib bo‘lishini kutamiz: «Siti» yoki «Bavariya», — dedi Rodrigo.