"Chelsi" markaziy himoyachisi Tiago Silva jamoasining Chempionlar ligasini tark etishi haqida fikr bildirdi. Eslatib o‘tamiz, London klubi chorak finalda "Real"ga umumiy hisobda 0:4 hisobida mag‘lub bo‘ldi.
"Biroz xafamiz va ayni paytda biroz g‘azablanganmiz. Bu Chempionlar ligasidagi so‘nggi o‘yinim bo‘lsa kerak. Uni shunday yakunlash uyat. O‘yin shunday o‘tganidan hafsalam pir bo‘ldi", - dedi Silva o‘yindan keyin "Chelsi" rasmiy saytiga.
Eslatib o‘tamiz, ushbu mavsum davomida Silva "Chelsi" bilan shartnomasini keyingi mavsum oxirigacha uzaytirgan edi. 38 yoshli futbolchi ikki yil avval “Chelsi” bilan Chempionlar ligasida g‘olib chiqqandi.
