"Barselona" - "Elche" o‘yini natijasi bekor qilinmaydi.
Eslatib o‘tamiz, "Barselona" La Liganing 27-turi doirasidagi o‘yinda 4:0 hisobida g‘alaba qozongan edi. "Elche" Gavi ushbu o‘yinda ishtirok etgani uchun natija bo‘yicha apellyasiya bergandi, chunki klub "Barselona" yarim himoyachisi asosiy jamoa bilan shartnomasi bekor qilingani uchun maydonga tusha olmasligiga ishongandi.
RFEF (Qirollik Ispaniya futbol federasiyasi) musobaqa qo‘mitasi "oq-yashillar"ning murojaatini ko‘rib chiqdi va uni rad etishga qaror qildi. Ularning ta’kidlashicha, Gavining o‘yinlarda ishtirok etishi federasiya reglamentiga zid emas, chunki futbolchi allaqachon yoshlar jamoasi futbolchisi sifatida rasman ro‘yxatdan o‘tgan va endi yana shu maqomda o‘ynamoqda.
