Krishtianu Ronaldu hujum ostida qoldi. "Al-Hilol"ga qarshi o‘yinda mag‘lubiyatga uchragach, maydonni tark etgan portugaliyalik futbolchi raqib jamoa muxlislari Lionel Messi nomini tilga olishganda, ularga qarata nojo‘ya harakat qildi.
Saudiya Arabistonida ular Ronalduning bunday ishorasiga juda achinarli munosabatda bo‘lishdi va yulduz futbolchi muxlislarni haqorat qildi deb o‘ylashdi.
"An-Nasr" rahbariyati ushbu mojaroga izoh berdi. Klub rahbariyatining ta’kidlashicha, Ronaldu o‘yin davomida olgan og‘riqli zarba tufayli oyoqlari orasidagi joyni ushlab olgan.
"Ronaldu jarohat olgan. Raqib bilan duelda u nozik joyiga zarba qabul qilib oldi. Bu tasdiqlangan ma’lumot. Muxlislarning fikriga kelsak, ular o‘zlari xohlagan narsani o‘ylashda erkindir", - dedi klub rahbarlaridan biri Goal bilan suhbatda.
