Myunxenning "Bavariya" klubi himoyachi Lyuka Ernandes bilan yangi shartnoma borasidagi muzokaralarda hech qanday muvaffaqiyatga erishmadi. Jurnalist Georg Xolznerning so‘zlariga ko‘ra, tomonlar olti hafta oldin kelishuvni uzaytirish bo‘yicha kelisha olmagan, shundan so‘ng muzokaralar to‘xtab qolgan.

Manbaning ta’kidlashicha, mavsum oxirida "Bavariya" keyingi mavsum uchun tarkibni rejalashtiradi. Ernandesning kelajagi haqida Tomas Tuxel qaror chiqaradi.

Eslatib o‘tamiz, Lyuka Fransiya terma jamoasi tarkibida jahon chempionatida olgan jarohati tufayli mavsumning katta qismini o‘tkazib yuborgandi. Ushbu mavsum yakunida futbolchining maydonga qaytishi ehtimoli bor.