Tizzasidan olgan jarohati tufayli mavsumning qolgan qismida maydonga tusha olmaydigan "PSJ" yulduzi hujumchisi Neymar "Santos"ning o‘yiniga tashrif buyurdi.
“Deyarli o‘n yildan keyin uyga qaytish juda yoqimli. Achinarlisi, durang qayd etildi, men “Santos”ning g‘alaba qozonishini ko‘rishni juda xohlardim. Muxlislarning mehrini his qildim. Bu men uchun eshiklarini ochgan va meni butun dunyoga ko‘rsatgan klub. Men bu yerga qaytishni orzu qilaman. Bir kun kelib bu sodir bo‘ladi", - deydi futbolchi.
Neymarning parijliklar bilan shartnomasi 2025 yilning yozida yakuniga yetadi. Fransiya chempionatining joriy mavsumida hujumchi 20 ta o‘yin o‘tkazib, 13 ta gol urdi va 11 ta golli uzatmani amalga oshirdi.
