Тиззасидан олган жароҳати туфайли мавсумнинг қолган қисмида майдонга туша олмайдиган "ПСЖ" юлдузи ҳужумчиси Неймар "Сантос"нинг ўйинига ташриф буюрди.
“Деярли ўн йилдан кейин уйга қайтиш жуда ёқимли. Ачинарлиси, дуранг қайд этилди, мен “Сантос”нинг ғалаба қозонишини кўришни жуда хоҳлардим. Мухлисларнинг меҳрини ҳис қилдим. Бу мен учун эшикларини очган ва мени бутун дунёга кўрсатган клуб. Мен бу ерга қайтишни орзу қиламан. Бир кун келиб бу содир бўлади", - дейди футболчи.
Неймарнинг парижликлар билан шартномаси 2025 йилнинг ёзида якунига етади. Франция чемпионатининг жорий мавсумида ҳужумчи 20 та ўйин ўтказиб, 13 та гол урди ва 11 та голли узатмани амалга оширди.
