Rafael Leau "Napoli"ga qarshi ajoyib o‘yin o‘tkazdi va "Milan" Chempionlar ligasining yarim finaliga yo‘l oldi.
Hozir esa Italiyada portugaliyalik futbolchi haqida iliq fikrlar bildirish qayta boshlandi. Masalan, italiyalik jurnalist Stefano Borgi uni klubning sobiq futbolchisi, 2005 yilgi "Oltin to‘p" sohibi Ronaldinyo bilan taqqosladi.
"Bu "Oltin to‘p"ni qo‘lga kiritgan futbolchi bo‘ladi. U juda yaxshi taasuroot qoldirdi. U rivojlanadi va men uning taraqqiyotida hech qanday chegara ko‘rmayapman. Ronaldinyoni eslatuvchi nimadir bor – hayotga ham, maydonda ham bir xil munosabat, yuzidagi maftunkor va doimiy tabassum bilan o‘ynaydi", – dedi Borgi pianetamilan.it bilan suhbatda.
Leau Italiya klubida 2019 yildan buyon o‘ynab kelmoqda.