Yaqinda "Lasio" hujumchisi Chiro Immobile avtohalokatga uchrab, qovurg‘asi singan edi. Biroq bugun, TMW xabariga ko‘ra, futbolchi o‘z klubining asosiy jamoasi bilan mashg‘ulotlarga kirishgan va keyingi dam olish kunlaridayoq maydonga tushishi mumkin.
18 aprel kuni hujumchi kasalxonadan chiqdi. Futbolchi bir necha kun davomida shifokorlar nazoratida bo‘lgan.
22 aprel kuni Rim "burgutlari" "Torino" bilan uchrashadi. Ayni damda “Lasio” 61 ochko bilan A Seriyada ikkinchi o‘rinda bormoqda, Immobile esa an’anaviy tarzda barcha musobaqalarda 12 ta gol urgan jamoa to‘purarlaridan biri hisoblanadi.













