“Liverpul” mavsumni sovrinsiz yakunlaydi. Boz ustiga, jamoaning Chempionlar ligasiga chiqish imkoniyati nihoyatda past – hozir mersisaydliklar APL turnir jadvalida bor-yo‘g‘i sakkizinchi o‘rinni egallab turibdi. "Qizillar" bosh murabbiyi Yurgen Klopp kelajak haqida fikr bildirdi.
"Men keyingi mavsum haqida o‘ylayapman. Biz o‘rgangan narsalarimizga asoslanib harakatlanishimiz kerak. Biz bu mavsumda ko‘p narsalarni o‘rgandik, bu ish bermasligini tushundik. Biz qarshi hujum yirtqich hayvonidan deyarli bu uslubni ishlatmaydigan jamoaga aylandik. To‘g‘risi, bunday yo‘ldan bunchalik tez o‘tish mumkin deb o‘ylamagandim. Biz muhim bilimlarga ega bo‘ldik”, dedi Klopp matbuot anjumanida.
