«Milan»ning sobiq bosh murabbiyi Fabio Kapello Chempionlar ligasi yarim finalidan o‘rin olgan «Milan» - «Inter» uchrashuvi natijalari haqida o‘z taxmini bilan o‘rtoqlashdi.
O‘tmishda «Milan»ni boshqargan Kapello «Inter»ni favorit deb biladi.
«Qarama-qarshilikning favoriti kim? Ishonamanki, «Inter» tarkib jihatidan kuchliroq, tajribaliroq, ammo «Milan»da yakkama-yakka duelda to‘xtatib bo‘lmaydigan Leaudek o‘yinchi bor, umuman olganda, «Milan»da fantaziya ko‘proq», — dedi Kapello.
«Inter» va «Milan» o‘rtasidagi birinchi yarim final uchrashuvi 10 may kuni bo‘lib o‘tadi.
