Angliya terma jamoasining sobiq yarim himoyachisi Kiron Dayer "Tottenxem"ning "Nyukasl"ga qarshi o‘yini haqida gapirdi. Angliya premer-ligasining 32-turidan o‘rin olgan uchrashuv 6:1 hisobida "qarg‘alar"ning yirik hisobdagi g‘alabasi bilan yakunlandi.
“Antonio Kontening “Tottenxem” haqida aytgan gaplarining barchasi haqiqat bo‘lib chiqdi. Murabbiy futbolchilarning yomon o‘yin ko‘rsatgani uchun ishsiz qoldi. Jamoa o‘yinda muvaffaqiyatsizlikka uchradi, "shporlar" 0:8 hisobida mag‘lub bo‘lishi mumkin edi. "Nyukasl" ajoyib harakat qildi. "Tottenxem"ning bu holati juda achinarli", dedi Dayer Sky Sports nashriga.
"Tottenxem" 32 o‘yindan keyin 53 ochko bilan APL turnir jadvalida beshinchi o‘rinda bormoqda. “Nyukasl” 31 o‘yindan keyin 59 ochko bilan uchinchi o‘rinda bormoqda.
