"Tottenxem" sardori va darvozaboni Ugo Lyoris "Nyukasl"dan uchralgan mag‘lubiyatdan so‘ng o‘z fikrlarini bildirib o‘tdi. Angliya Premyer-ligasining 32-turidan o‘rin olgan uchrashuvda London klubi uchrashuvning 20-daqiqasigacha o‘z darvozasidan beshta gol o‘tkazib yuborib, yakunda 1:6 hisobida mag‘lubiyatga uchradi.
“Biz natijadan uyaldik, muxlislardan uzr so‘rashimiz kerak. Raqibga hech qanday qarshilik qila olmadik, yomon o‘ynadik va birinchi bo‘limni butunlay muvaffaqiyatsiz o‘tkazdik. "Nyukasl" ajoyib o‘yin ko‘rsatdi", - dedi Lyoris BBC Sport telekanaliga.
Joriy mavsumda 36 yoshli darvozabon barcha turnirlarda 31 ta o‘yinda maydonga tushib, 45 ta gol o‘tkazib yuborgan va 9 marta o‘z darvozasi daxlsizligini saqlab qolgan.
