"Manchester Yunayted"ning portugaliyalik himoyachisi Diogo Dalot Angliya kubogi 1/2 finalida "Brayton"ga qarshi o‘yindagi g‘alabadan (2:1) o‘z his-tuyg‘ulari bilan o‘rtoqlashdi.
"Mavsum oldidan biz har birimiz penalti tepishga harakat qildik. O‘ylaymanki, biz bir kun kelib vaqt kelishini va tayyor bo‘lishimiz kerakligini his qildik. Bu penaltilar seriyasida barcha bosim ostida nafaqat sifat, balki qandaydir xarakter ko‘rsatdi. Chunki "Brayton" muxlislari sizning orqangizdan baqirayotganda, diqqatingizni jamlashingiz qiyin. Shu tariqa, biz individual mahorat ko‘rsatdik va men penaltini aniq amalga oshirib, finalga chiqqanimizdan barchadan mamnunman.
Biz xarakter ko‘rsatdik va taktik jihatdan juda yaxshi edik. Biz to‘p bilan sabr qilishimiz kerakligini bilardik. "Brayton" - fantastik jamoa, ular juda yaxshi futbol o‘ynashadi. Biz istak ko‘rsatdik. Bu mas’uliyat esa har bir o‘yinda bo‘lishi kerak. Har bir sovrinni qo‘lga kiritishni istasak, biz barqarorroq bo‘lishimiz kerak", - dedi Dalot MUTV bilan suhbatda.
3 iyun kuni "Uembli" stadionida Angliya kubogi finalida "Manchester Yunayted" va "Manchester Siti" o‘zaro to‘qnash kelishadi.
