La Ligada o‘ttizinchi tur uchrashuvlari yakunlandi.
Turnir jadvalida «Barselona» 76 ochko bilan peshqadamlik qilmoqda. Ikkinchi o‘rindagi «Real»da 65 ochko mavjud. «Atletiko» esa 60 ball bilan uchinchi pog‘onani band etgan.
Statistik ma’lumotlarga ko‘ra, yakuniga yetgan 30-turda futbolchilarga umuman qizil kartochka ko‘rsatilmagan. Buning ustiga darvozalar tomon birorta ham penalti belgilanmagan.
Bu holat so‘nggi marta 2015/16 yilgi mavsumning 33-turida sodir bo‘lgan edi. Biroq kecha «Barselona» va «Atletiko» jamoalari o‘rtasidagi bahsning so‘nggi 30 daqiqaligi ichida futbolchilarga jami 10 ta sariq kartochka ko‘rsatildi.