«Bavariya» hujumchisi Matis Telning keyingi mavsumda ham klubda qolishi kutilmoqda.
Jamoa bosh murabbiyi Tomas Tuxel 17 yoshli fransuzning kelajagi haqidagi savolga javob berar ekan, hujumchining kelasi mavsumda ijara asosida ketishi mumkinligiga ishora qildi.
Sky Sport News xabariga ko‘ra, klub rahbariyati murabbiyning so‘zlariga norozi munosabat bildirgan. «Bavariya» yosh futbolchini yaqin kelajakda yo‘qotish haqida o‘ylamayapti.
Joriy mavsumda Matis Tel myunxenliklar safida barcha turnirlarda 24ta o‘yinda qatnashib, besh bor gol urgan. Uning shartnomasi 2025 yilning yoziga qadar mo‘ljallangan.