«Бавария» ҳужумчиси Матис Тельнинг кейинги мавсумда ҳам клубда қолиши кутилмоқда.

Жамоа бош мураббийи Томас Тухель 17 ёшли французнинг келажаги ҳақидаги саволга жавоб берар экан, ҳужумчининг келаси мавсумда ижара асосида кетиши мумкинлигига ишора қилди.

Sky Sport News хабарига кўра, клуб раҳбарияти мураббийнинг сўзларига норози муносабат билдирган. «Бавария» ёш футболчини яқин келажакда йўқотиш ҳақида ўйламаяпти.

Жорий мавсумда Матис Тель мюнхенликлар сафида барча турнирларда 24та ўйинда қатнашиб, беш бор гол урган. Унинг шартномаси 2025 йилнинг ёзига қадар мўлжалланган.