«Bavariya» darvozaboni Yann Zommer jamoaga qo‘shilganidan atigi olti oy o‘tib bu yerni tark etishi mumkin.

Yanvar oyida myunxenliklar shveysariyalik futbolchini Myonxengladbaxning «Borussiya»sidan Manuel Noyer o‘rniga o‘z safiga qo‘shib olgandi.

34 yoshli darvozabon so‘nggi paytlardagi o‘yini uchun tanqidlarga uchragan va jamoa bosh murabbiyi Tomas Tuxel endi Noyerga imkon bermoqchi.

«Bavariya» Zommerni yozgi transfer oynasida sotishni ko‘rib chiqmoqda - u klubda ikkinchi darvozabon sifatida qolishi dargumon.

Yann Zommer «Bavariya» uchun 20 ta o‘yinda ishtirok etib, 26 ta gol o‘tkazib yuborgan. Transfermakt uning qiymatini 5 million yevroga baholamoqda.