«Бавария» дарвозабони Янн Зоммер жамоага қўшилганидан атиги олти ой ўтиб бу ерни тарк этиши мумкин.
Январь ойида мюнхенликлар швейцариялик футболчини Мёнхенгладбахнинг «Боруссия»сидан Мануэль Нойер ўрнига ўз сафига қўшиб олганди.
34 ёшли дарвозабон сўнгги пайтлардаги ўйини учун танқидларга учраган ва жамоа бош мураббийи Томас Тухель энди Нойерга имкон бермоқчи.
«Бавария» Зоммерни ёзги трансфер ойнасида сотишни кўриб чиқмоқда - у клубда иккинчи дарвозабон сифатида қолиши даргумон.
Янн Зоммер «Бавария» учун 20 та ўйинда иштирок этиб, 26 та гол ўтказиб юборган. Transfermakt унинг қийматини 5 миллион еврога баҳоламоқда.