"Liverpul"ning sobiq himoyachisi Kolo Turening fikricha, o‘tgan yozda hujumchi Sadio Manening ketishi Yurgen Klopp jamoasiga salbiy ta’sir ko‘rsatdi. Eslatib o‘tamiz, senegallik futbolchi "Bavariya"ga 50 million yevrodan ko‘proq evaziga o‘tgan edi.
"Yurgen Klopp - top murabbiy. U Germaniyada ham, Angliyada ham g‘alaba qozondi. Har bir klub o‘tish davrini boshdan kechirishi kerak. Menimcha, Manening ketishi "Liverpul" uchun katta yo‘qotish bo‘ldi" - dedi Ture Daily Mirror nashriga.
Manening "Liverpul"ni tark etishi hozircha hech bir tomonga foyda keltirmayapti. "Mersisaydliklar" Premyer-ligada 6-o‘rinda bormoqda, Sadio esa Bundesligada atigi 7 ta gol va 4 ta golli uzatmani amalga oshirdi. Yaqinda senegallik futbolchi "Bavariya"da tartib-intizom bilan bog‘liq muammolarga duch keldi, shu sababli futbolchi yozda sotilishi mumkin.