"Ливерпул"нинг собиқ ҳимоячиси Коло Туренинг фикрича, ўтган ёзда ҳужумчи Садио Маненинг кетиши Юрген Клопп жамоасига салбий таъсир кўрсатди. Эслатиб ўтамиз, сенегаллик футболчи "Бавария"га 50 миллион евродан кўпроқ эвазига ўтган эди.
"Юрген Клопп - топ мураббий. У Германияда ҳам, Англияда ҳам ғалаба қозонди. Ҳар бир клуб ўтиш даврини бошдан кечириши керак. Менимча, Маненинг кетиши "Ливерпуль" учун катта йўқотиш бўлди" - деди Туре Daily Mirror нашрига.
Маненинг "Ливерпул"ни тарк этиши ҳозирча ҳеч бир томонга фойда келтирмаяпти. "Мерсисайдликлар" Премьер-лигада 6-ўринда бормоқда, Садио эса Бундеслигада атиги 7 та гол ва 4 та голли узатмани амалга оширди. Яқинда сенегаллик футболчи "Бавария"да тартиб-интизом билан боғлиқ муаммоларга дуч келди, шу сабабли футболчи ёзда сотилиши мумкин.
