"Bavariya" yarim himoyachisi Rayan Gravenberx jamoadagi o‘rni haqida gapirdi.
"Yil davomida bunday yuqori saviyada mashq qilish va o‘ynash ibratli, ammo keyingi mavsumda vaziyat o‘zgarishi kerak. Men har hafta o‘ynashni juda xohlayman. Hozircha klub rahbariyati bilan gaplashmadim. Ammo bu rol mening kutganlarimga javob bermasligi aniq", - dedi niderlandiyalik yarim himoyachi Voetbal International bilan suhbatda.
Joriy mavsumda Rayan barcha musobaqalarda "Bavariya" tarkibida 27 ta o‘yin o‘tkazib, bitta golga assistentlik qildi. Avvalroq Gravenberxga APL klublaridan qiziqish bo‘layotgani haqida xabar berilgandi. Transfermarkt portali 20 yoshli yarim himoyachining narxini 30 million yevroga baholamoqda.
