"Бавария" ярим ҳимоячиси Райан Гравенберх жамоадаги ўрни ҳақида гапирди.

"Йил давомида бундай юқори савияда машқ қилиш ва ўйнаш ибратли, аммо кейинги мавсумда вазият ўзгариши керак. Мен ҳар ҳафта ўйнашни жуда хоҳлайман. Ҳозирча клуб раҳбарияти билан гаплашмадим. Аммо бу роль менинг кутганларимга жавоб бермаслиги аниқ", - деди нидерландиялик ярим ҳимоячи Voetbal International билан суҳбатда.

Жорий мавсумда Райан барча мусобақаларда "Бавария" таркибида 27 та ўйин ўтказиб, битта голга ассистентлик қилди. Аввалроқ Гравенберхга АПЛ клубларидан қизиқиш бўлаётгани ҳақида хабар берилганди. Transfermarkt портали 20 ёшли ярим ҳимоячининг нархини 30 миллион еврога баҳоламоқда.