"Bavariya" bosh murabbiyi Tomas Tuxel "Chelsi" yarim himoyachisi Mateo Kovachichni o‘z jamoasiga qo‘shib olish haqida o‘ylamoqda.

Xorvatning Myunxen klubiga o‘tishi mumkinligi haqidagi ilk ma’lumotlar Tuxel "Bavariya" boshqaruvchisi etib tayinlanganidan ko‘p o‘tmay paydo bo‘ldi, ammo keyin mish-mishlar tinchib qoldi. Jurnalist Tobi Altshefflning yangilangan ma’lumotlariga ko‘ra, nemis mutaxassisi Kovachich bilan shartnoma imzolash fikridan qaytgani yo‘q. 28 yoshli futbolchining shartnomasi kelasi yili tugaydi va bu uning tez orada "Chelsi"ni tark etishi ehtimolini oshiradi. Bundan tashqari, yarim himoyachi nemis tilini mukammal biladi. Transfer bo‘yicha yakuniy qaror "Bavariya" rahbariyatining fikriga bog‘liq bo‘ladi.