"Бавария" бош мураббийи Томас Тухель "Челси" ярим ҳимоячиси Матео Ковачични ўз жамоасига қўшиб олиш ҳақида ўйламоқда.

Хорватнинг Мюнхен клубига ўтиши мумкинлиги ҳақидаги илк маълумотлар Тухель "Бавария" бошқарувчиси этиб тайинланганидан кўп ўтмай пайдо бўлди, аммо кейин миш-мишлар тинчиб қолди. Журналист Тоби Альтшеффлнинг янгиланган маълумотларига кўра, немис мутахассиси Ковачич билан шартнома имзолаш фикридан қайтгани йўқ. 28 ёшли футболчининг шартномаси келаси йили тугайди ва бу унинг тез орада "Челси"ни тарк этиши эҳтимолини оширади. Бундан ташқари, ярим ҳимоячи немис тилини мукаммал билади. Трансфер бўйича якуний қарор "Бавария" раҳбариятининг фикрига боғлиқ бўлади.