Tarixda ilk bor Angliya kubogi finalida “Manchester Yunayted” va "Manchester Siti" jamoalari o‘zaro to‘qnash kelishadi. London polisiyasi o‘yinni yuqori xavfli deb baholadi va xavfsizlik nuqtai nazaridan uning kech boshlanishiga qarshi chiqdi.
"Uembli"dagi final mahalliy vaqt bilan 16:45 dan 17:30 gacha (Toshkent vaqti bilan 20:45 va 21:30) boshlanishi kutilgandi. Biroq kubok uchun kurash 15:00 (Toshkent vaqti bilan 19:00) da boshlanadi. Bu haqda BBC xabar berdi.
Qayd etilishicha, Angliya kubogi finali 12 yil ichida birinchi marta bunchalik erta boshlanadi. 2010/2011 yilgi mavsumda "Manchester Siti" va "Stok Siti" o‘rtasidagi final o‘yini ham Buyuk Britaniya vaqti bilan 15:00da boshlangandi.
