Тарихда илк бор Англия кубоги финалида “Манчестер Юнайтед” ва "Манчестер Сити" жамоалари ўзаро тўқнаш келишади. Лондон полицияси ўйинни юқори хавфли деб баҳолади ва хавфсизлик нуқтаи назаридан унинг кеч бошланишига қарши чиқди.
"Уэмбли"даги финал маҳаллий вақт билан 16:45 дан 17:30 гача (Тошкент вақти билан 20:45 ва 21:30) бошланиши кутилганди. Бироқ кубок учун кураш 15:00 (Тошкент вақти билан 19:00) да бошланади. Бу ҳақда BBC хабар берди.
Қайд этилишича, Англия кубоги финали 12 йил ичида биринчи марта бунчалик эрта бошланади. 2010/2011 йилги мавсумда "Манчестер Сити" ва "Сток Сити" ўртасидаги финал ўйини ҳам Буюк Британия вақти билан 15:00да бошланганди.
