Bernardu Silvaning fikricha, Erling Xoland Leo Messi va Krishtianu Ronaldu darajasida o‘ynaydi.

"Uning statistikasi aql bovar qilmaydi, shuning uchun ko‘p gollar Krishtianu va Messining darajasidir. Umid qilamanki, Erling shunday davom etadi. Bizga mavsumning so‘nggi o‘yini oldidan uning gollari kerak.

U aniq Krishtianu bilan bir xil mentalitetga ega. Xoland har doim maydonda bo‘lishni xohlaydi, har doim gol urishni xohlaydi. U to‘pga tegsa, gol uradi. Bu haqiqiy hujumchi.

Uning transferi amalga oshgunga qarad biz Erling nimaga qodirligini bilardik, chunki u buni bir necha yillardan beri - Norvegiya, Avstriya va Germaniyada qilgan. Biz unga kuzatganmiz, unga qarshi o‘ynaganmiz. O‘yinchi o‘tishdan keyin qanday daraja ko‘rsatishini hech qachon bilmaysiz. Ammo Xolandning bu mavsumda ko‘rsatayotgani aql bovar qilmaydi. U biz bilan ekanligidan xursandmiz. U bizga ko‘p yordam beradigan haqiqatan ham o‘ziga xos futbolchi. Umid qilamanki, u yanada yaxshilanadi.

Erlingning bunday toifadagi o‘yinchilarni yaxshi ko‘radigan Kevin de Bryuyne bilan o‘zgacha aloqasi bor. De Bryuyne to‘pga ega bo‘lsa, yugurish kerak, Erling esa juda kuchli va tezkor. Bu mukammal juftlik. Bu mavsumda ko‘rganimizdek, ular juda yaxshi o‘ynashmoqda.

So‘nggi bir necha yil ichida biz 20 ta g‘alaba yoki mag‘lubiyatsiz o‘yinlar seriyasini o‘tkazdik. Hozir biz yana yaxshi formaga qaytdik. Xuddi shu ruhda davom etamiz degan umiddamiz, chunki biz kuboklarni olishni istaymiz. Biz avval ham shunday holatga tushib qolganmiz" - dedi “Manchester Siti” yarim himoyachisi.

Joriy mavsumda Xoland “Man Siti” safida barcha turnirlarda 42 ta o‘yinda maydonga tushib, 48 ta gol va 6 ta golli uzatmaga mualliflik qilgan.