"Chelsi" bosh murabbiyi Frenk Lempard Angliya chempionati 33-turida "Brentford"dan uchralgan mag‘lubiyat (0:2) haqida fikr bildirdi.

"Qiyin, futbolchilarga achinyapman. O‘yin borasida to‘pga egalik qilishni nazorat qildik. "Brentford" o‘z ishini yaxshi biladi. O‘yin tafsilotlari aniq, bugun bizda hujumda ishonch yetishmayapti. Bu ko‘zyosh to‘kadigan holat emas, lekin hamma bizga qarshi. Garchi xavfli holatlar yaratmagan bo‘lsak-da, vaziyatni doim nazorat qilib turdik. Bu klub so‘nggi paytlarda juda ko‘p yaxshi damlarni boshdan kechirdi, ammo hozir qiyin payt. Biz sehrli tayoqchani silkitib, sehr ko‘rmoqchimiz, lekin futbolda bunday bo‘lmaydi, chunki APL – og‘ir liga", – dedi Lempard.