Saudi Gazette xabariga ko‘ra, “An-Nasr” rahbari Musalli al-Muammar o‘z lavozimidan iste’foga chiqdi.
Direktorlar kengashi raisi Sport vazirligiga iste’foga chiqish to‘g‘risida ariza yubordi. Qayd etilishicha, bunday qaror ketma-ket ikki marta, jumladan, mamlakat kubogi va Qirol kubogidagi mag‘lubiyat alamini totib ko‘rgan jamoa muxlislarining bosimlari bilan bog‘liq.
Raisning iste’fosi bilan bir qatorda, amaldagi direktorlar kengashi ham tarqatib yuborilishi mumkin. "An-Nasr"ning ishlarini bosh kotib boshqaradi.
Al Muammar 2021 yilning 1 aprelidan beri klubni boshqarib kelayotgan edi.
