Yozda "Napoli" Xvicha Kvarasxeliyani sotib olmoqchi bo‘lgan barcha klublar taklifini rad etadi.
Il Mio Napoli nashrining Il Mattino nashriga tayanib xabar berishicha, italyan klubi 22 yoshli vinger bo‘yicha takliflarni tinglaydi, biroq barcha ehtimoliy xaridorlarni rad etadi, chunki ular uni kelajak uchun eng muhim futbolchilardan biri deb bilishadi.
Hujumchi Viktor Osimxen yoki shartnomasida tovon puli bandi bor himoyachi Kim Min Chje mavsum oxirida "Napoli"ni tark etishi mumkin, ammo Xvicha emas. Ehtimol, kuzda u bilan shartnomani uzaytirish bo‘yicha muzokaralar olib boriladi. Bu masala allaqachon klubda muhokama qilinmoqda va hamma Kvarasxeliya bilan kelishuvga erishilishiga ishonmoqda.
Xvichi joriy mavsum “Napoli” safida barcha turnirlar doirasida 36 ta o‘yinda maydonga tushib, 14 ta gol va 14 ta golli uzatmaga mualliflik qilgan.
