"Yuventus" moliyaviy direktori Franchesko Kalvo Massimiliano Allegri bilan bog‘liq vaziyat haqida gapirdi.

So‘nggi haftalarda Italiya OAVlari jamoaning joriy mavsumdagi eng yaxshi natijalari bo‘lmagani uchun Turin klubining mutaxassis bilan xayrlashishi mumkinligi haqida tez-tez xabar berib kelmoqda.

"Aytishim mumkinki, Allegrining pozisiyasiga hech qanday shubha yo‘q, bu juda aniq. U to‘rt yillik shartnoma bilan qaytdi va hozircha uning yarmini ham bajarmadi. Massimilianoning o‘tmishdagi yutuqlari o‘zi gapiradi, biz unga ishonamiz. Bu mavsumdagi maqsadlarimiz A Seriyada ikkinchi o‘rinni egallash va Yevropa Ligasi finalida o‘ynash”, - deydi Kalvo DAZN nashriga.