«An-Nasr» hujumchisi Krishtianu Ronaldu sevgilisi Jorjina Rodriges bilan ajrashganligi haqidagi mish-mishlarga barham berdi.
38 yoshli hujumchi ijtimoiy tarmoqlarda qiz bilan birga tushgan suratini joylashtirdi.
«Sevgiga xush kelibsiz», - dedi portugaliyalik futbolchi o‘z postida.
Eslatib o‘tamiz, Krishtianu va Jorjina uzoq vaqtdan beri munosabatlarda bo‘lib kelgan. Shu bilan birga, ular rasman er-xotin emaslar.
Joriy mavsumda Ronaldu Saudiya Arabistoni chempionatida 12 ta o‘yin o‘tkazib, 12 ta gol urgan va 2 ta golli uzatmaga mualliflik qilgan. Uning shartnomasi 2025 yilgacha mo‘ljallangan.
