Madridning “Real” klubi “Selta” yarim himoyachisi Gabri Veygani sotib olishni rejalashtirmoqda.

"Qirollik klubi"ning 20 yoshli futbolchiga qiziqishi joriy mavsum davomida bir necha bor xabar qilingandi, ammo bu mish-mishlar tasdiqlanmadi. Diario ASning yangilangan ma’lumotlariga ko‘ra, "Real Madrid" shunchaki o‘sib borayotgan yulduzga da’vo qilmayapti, balki futbolchini qo‘lga kiritish uchun aniq qadamlar qo‘ygan.

Transfermarkt ekspertlari Gabri Veyganing transfer narxini 30 million yevroga baholamoqda. Hujumkor yarim himoyachi La Liganing joriy mavsumida "Selta" safida 9 ta gol va 4 ta golli uzatmaga mualliflik qilgan.