Мадриднинг “Реал” клуби “Сельта” ярим ҳимоячиси Габри Вейгани сотиб олишни режалаштирмоқда.
"Қироллик клуби"нинг 20 ёшли футболчига қизиқиши жорий мавсум давомида бир неча бор хабар қилинганди, аммо бу миш-мишлар тасдиқланмади. Diario ASнинг янгиланган маълумотларига кўра, "Реал Мадрид" шунчаки ўсиб бораётган юлдузга даъво қилмаяпти, балки футболчини қўлга киритиш учун аниқ қадамлар қўйган.
Transfermarkt экспертлари Габри Вейганинг трансфер нархини 30 миллион еврога баҳоламоқда. Ҳужумкор ярим ҳимоячи Ла Лиганинг жорий мавсумида "Сельта" сафида 9 та гол ва 4 та голли узатмага муаллифлик қилган.













