"Yuventus" hujumchisi Dushan Vlaxovich Angliya Premyer-ligasining top-klublarining radarida qolmoqda.
23 yoshli futbolchi joriy mavsumda 36 o‘yinda 11 ta gol urdi va 2023 yil boshidan buyon atigi 4 ta gol urdi.
Calciomercato xabariga ko‘ra, unchalik ta’sirli ko‘rsatkichlar bo‘lmasa-da, hujumchiga hali ham Premyer-liga vakillari qiziqish bildirmoqda. Serb uchun asosiy da’vogarlar Londonning “Arsenal” va “Chelsi” klublaridir. Biroq hozircha hech qaysi klub transfer uchun talab qilinadigan 80 million yevroni to‘lashga tayyor emas.
Qayd etilishicha, Dushan Vlaxovichning "Yuventus"dagi kelajagi ko‘p jihatdan uning mavsumning so‘nggi o‘yinlarida ko‘rsatadigan o‘yiniga bog‘liq bo‘ladi.
