"Ювентус" ҳужумчиси Душан Влахович Англия Премьер-лигасининг топ-клубларининг радарида қолмоқда.
23 ёшли футболчи жорий мавсумда 36 ўйинда 11 та гол урди ва 2023 йил бошидан буён атиги 4 та гол урди.
Calciomercato хабарига кўра, унчалик таъсирли кўрсаткичлар бўлмаса-да, ҳужумчига ҳали ҳам Премьер-лига вакиллари қизиқиш билдирмоқда. Серб учун асосий даъвогарлар Лондоннинг “Арсенал” ва “Челси” клубларидир. Бироқ ҳозирча ҳеч қайси клуб трансфер учун талаб қилинадиган 80 миллион еврони тўлашга тайёр эмас.
Қайд этилишича, Душан Влаховичнинг "Ювентус"даги келажаги кўп жиҳатдан унинг мавсумнинг сўнгги ўйинларида кўрсатадиган ўйинига боғлиқ бўлади.
