"Real"da to‘p surayotgan qanot himoyachisi Nacho Fernandes Ispaniya chempionatining 33-tur uchrashuvida jamoasining "Real Sosyedad"dan uchralgan mag‘lubiyati haqida gapirdi. “Qaymoqranglilar” 0:2 hisobida imkoniyatni boy berishdi.
"Real Madrid" har doim maydonga g‘alaba qozonish g‘oyasi bilan chiqadi. Ammo so‘nggi o‘yinlarda odatdagi saviyamizni ko‘rsatmayapmiz. Bu uchrashuvda ham shunday bo‘ldi. Keyingi hafta bizni muhim o‘yin kutib turibdi. Biz tezda boshimizni ko‘tarib, kurashishimiz kerak", - dedi himoyachi klub matbuot xizmatiga.
Ispaniya chempionatining 33-turidan so‘ng "Real" 68 ochko jamg‘arib, turnir jadvalida ikkinchi o‘rinda bormoqda. Madridliklar peshqadam "Barselona"dan 14 ochko ortda qolmoqda.
