"Реал"да тўп сураётган қанот ҳимоячиси Начо Фернандес Испания чемпионатининг 33-тур учрашувида жамоасининг "Реал Сосьедад"дан учралган мағлубияти ҳақида гапирди. “Қаймоқранглилар” 0:2 ҳисобида имкониятни бой беришди.
"Реал Мадрид" ҳар доим майдонга ғалаба қозониш ғояси билан чиқади. Аммо сўнгги ўйинларда одатдаги савиямизни кўрсатмаяпмиз. Бу учрашувда ҳам шундай бўлди. Кейинги ҳафта бизни муҳим ўйин кутиб турибди. Биз тезда бошимизни кўтариб, курашишимиз керак", - деди ҳимоячи клуб матбуот хизматига.
Испания чемпионатининг 33-туридан сўнг "Реал" 68 очко жамғариб, турнир жадвалида иккинчи ўринда бормоқда. Мадридликлар пешқадам "Барселона"дан 14 очко ортда қолмоқда.
