"Manchester Yunayted" yarim himoyachisi Marsel Zabitser jamoadoshi Kazemiro haqida o‘z fikrlarini bildirib o‘tdi.
Avstriyalik futbolchining so‘zlariga ko‘ra, Erik ten Xag jamoasining joriy mavsumdagi muvaffaqiyati ko‘p jihatdan braziliyalik va boshqa yarim himoyachilarning o‘yin sifati bilan bog‘liq.
“Kazemiro – barcha asosiy sovrinlarni bir necha bor qo‘lga kiritgan tajribali futbolchi. U yetakchilik fazilatlari tufayli jamoani yanada jipslashtiradi va uning ahamiyatini yana bir bor eslatib o‘tish kerak. O‘ylaymanki, hozir bizning yarim himoyamiz juda yaxshi, buni muvaffaqiyatning asosiy sabablaridan biri deb hisoblash mumkin", - dedi "Bavariya"dan mavsum oxirigacha ijaraga olingan futbolchi.
