Turinning «Yuventus» klubi A Seriyaning 33-turi doirasida «Lechche»ni 2:1 hisobida mag‘lub etdi, biroq favoritning g‘alabasiga Mattia de Shilyoning jarohati qimmatga tushdi – uni zambilda maydondan olib chiqib ketishdi.

O‘yindan so‘ng Turin klubi ustozi Massimliano Allegri bu haqda gapirdi - de Shilyo o‘z-o‘zidan harakatlana olmaydi, chunki u juda jiddiy jarohat oldi - xoch paylari shikastlangan bo‘lishi mumkin.

Bu de Shilyo uchun nafaqat joriy mavsum yakunlanganini, balki kalendar yili tugamasdan ham maydonga qaytmasligi, ya’ni keyingi mavsumning salmoqli qismini o‘tkazib yuborishini bildiradi.