Туриннинг «Ювентус» клуби А Сериянинг 33-тури доирасида «Лечче»ни 2:1 ҳисобида мағлуб этди, бироқ фаворитнинг ғалабасига Маттиа де Шильонинг жароҳати қимматга тушди – уни замбилда майдондан олиб чиқиб кетишди.
Ўйиндан сўнг Турин клуби устози Массимлиано Аллегри бу ҳақда гапирди - де Шильо ўз-ўзидан ҳаракатлана олмайди, чунки у жуда жиддий жароҳат олди - хоч пайлари шикастланган бўлиши мумкин.
Бу де Шильо учун нафақат жорий мавсум якунланганини, балки календарь йили тугамасдан ҳам майдонга қайтмаслиги, яъни кейинги мавсумнинг салмоқли қисмини ўтказиб юборишини билдиради.
