«Chelsi» xo‘jayini Todd Boeli o‘z klubidagi vaziyat haqida fikr bildirdi.
«Yaxshi loyiha yaratish uchun avvalo jamoani qurish kerak. Bunday holda, bosh murabbiy loyihangizning dirijyori hisoblanadi.
Muxlislarimiz talablarini tushunamiz, ular g‘alaba xohlaydi. Klub ham buni xohlaydi. «Chelsi» uzoq muddatli rejaga sodiq va to‘g‘ri yo‘lni topa olishiga ishonmoqda», - dedi Boeli matbuot anjumanida.
Joriy mavsumda «Chelsi» APLning 33-turidan so‘ng 39 ochko to‘pladi va turnir jadvalida bor-yo‘g‘i 12-o‘rinni egallab turibdi.
Frenk Lempard qo‘l ostida jamoa ketma-ket oltita mag‘lubiyat alamini totib ko‘rdi.
