"Tottenxem" jamoasi sport direktori lavozimiga yangi nomzodni ko‘rib chiqmoqda.

Jurnalist Florian Plettenberg xabariga ko‘ra, "shporlar" nemis funsioneri Yoxannes Sporsga qiziqish bildirmoqda. Xabarlarga ko‘ra, u "Tottenxem" tomonidan ko‘rib chiqiladigan mutaxassislar ro‘yxatidan biridir. 40 yoshli Spors beshta jamoa, xususan, "Jenoa", "Gerta", "Standard Belgiya", "Melburn Viktori" va "Vasko da Gama"ning xalqaro aloqalar bo‘yicha direktori bo‘lib ishlagan.

Angliya chempionati yakunlanishiga to‘rt tur qolganda “Tottenxem” so‘nggi yetti uchrashuvda faqat bitta g‘alabaga erishgan holda turnir jadvalida yettinchi o‘rinda bormoqda. Skott Mann 7 apreldan beri "shporlar"ning sport direktori lavozimida ishlab kelmoqda.