Chililik yarim himoyachi Arturo Vidal "PSJ" tomonidan sanksiyaga va muxlislarning haqoratiga uchragan "Barselona"dagi sobiq jamoadoshi Lionel Messini himoya qildi.
"Bu aqldan ozish. Haqiqat shundaki, bu odamlar tobora aqldan ozishmoqda. Dunyoning eng zo‘r futbolchisini haqorat qila olmaysiz, shunchaki uning o‘yinini tomosha qilishingiz mumkin. Ular uchun Chempionlar ligasi va Kubogini qo‘lga kiritmagani aniq, ammo ular chempionat peshqadami. Va u shuningdek jahon chempioni. U barcha uchrashuvlarda qatnashgan, hech qachon jarohat olmagan. U Mbappe bilan ko‘p gol urgan va jamoaning ko‘p golli uzatmalari uniki. Demak, ular eng yaxshilarni haqorat qilishlari aqldan ozganlik, lekin odamlar doim shunday bo‘lishadi", - deya Vidal so‘zlarini keltiradi ESPN.
35 yoshli argentinalik Fransiya chempionatining 33-turi doirasidagi o‘yinda “Loryan”ga (1:3) imkoniyatni boy berib, Saudiya Arabistoniga jo‘nab ketdi. Keyinroq Messining ketishiga parijliklar rahbariyati ruxsat bermagani ma’lum bo‘ldi. Hujumchi ikki haftaga o‘yinlar va mashg‘ulotlardan chetlashtirildi.
5 may kuni Messi Saudiya Arabistoni safari uchun jamoadan uzr so‘ragan videoni e’lon qildi.
