Dortmundning «Borussiya» klubi yarim himoyachisi Jud Bellingem «Manchester Siti»ning eng ko‘p maosh oluvchi futbolchilaridan biriga aylanish imkoniyatiga ega bo‘ldi.

Marca xabariga ko‘ra, «shaharliklar» angliyalik futbolchiga yiliga 15 million yevro maosh taklif qilishgan, biroq 19 yoshli yarim himoyachi rad javobini bergan, chunki uning «Real»ga o‘tish istagida ekanligi aniq.

Eslatib o‘tamiz, «qirollik klubi» ayni paytda shartnomani yopish ustida faol ishlamoqda. Summa miqdori 100-120 million yevro atrofida bo‘lishi kerak.

Bellingxem «Liverpul» variantini ko‘rib chiqishga tayyor edi, ammo rahbariyat transfer uchun katta pul to‘lashni istamagani uchun poygadan chiqib ketdi.