«Bavariya» yozgi transfer oynasida Tomas Tuxelni transfer bozorida qo‘llab-quvvatlashi kutilmoqda.

Nemis mutaxassisi mart oyi oxirida jamoani qabul qilib oldi va endi u, albatta, o‘z qarashlariga mos ravishda tarkibni tiklamoqchi.

Fichajes xabariga ko‘ra, Tuxel «Bavariya» mutasaddilaridan yozda «Barselona» vingeri Usmon Dembeleni sotib olishni so‘ragan.

Aytish joizki, Tuxel Dembele bilan Dortmundning «Borussiya»sida birga ishlagan va uning imkoniyatlarini yaxshi biladi. Kelasi yozda 25 yoshli fransiyalik futbolchini 50 million yevroga sotib olish mumkin.

Usmon Dembele 2022/2023 yilgi mavsumda 30 ta o‘yinda 8 ta gol urdi va 7 ta golli uzatmani amalga oshirdi.