«Бавария» ёзги трансфер ойнасида Томас Тухелни трансфер бозорида қўллаб-қувватлаши кутилмоқда.

Немис мутахассиси март ойи охирида жамоани қабул қилиб олди ва энди у, албатта, ўз қарашларига мос равишда таркибни тикламоқчи.

Fichajes хабарига кўра, Тухель «Бавария» мутасаддиларидан ёзда «Барселона» вингери Усмон Дембелени сотиб олишни сўраган.

Айтиш жоизки, Тухель Дембеле билан Дортмунднинг «Боруссия»сида бирга ишлаган ва унинг имкониятларини яхши билади. Келаси ёзда 25 ёшли франциялик футболчини 50 миллион еврога сотиб олиш мумкин.

Усмон Дембеле 2022/2023 йилги мавсумда 30 та ўйинда 8 та гол урди ва 7 та голли узатмани амалга оширди.