"Manchester Siti" "Napoli" himoyachisi Kim Min Chjeni qo‘lga kiritish uchun kurashda "Manchester Yunayted" bilan raqobatlashishga tayyor, deb xabar beradi Fichajes.

Nashrning yozishicha, ikkala klub ham futbolchining xizmatlari uchun 60 million yevro taklif qilishga tayyor.

"Shaharliklar" yozda jamoani tark etadigan Emerik Laportning o‘rniga koreyalik himoyachi variantini ko‘rib chiqmoqda.

26 yoshli futbolchi “Napoli”da 2022 yilning yozidan buyon o‘ynab kelmoqda. Uning amaldagi shartnomasi 2025 yilning iyunigacha mo‘ljallangan.

26 yoshli futbolchi joriy mavsumda barcha turnirlarda 42 ta o‘yinda maydonga tushib, 2 ta gol urdi va 2 ta golli uzatmani amalga oshirdi.