«Inter» hujum chizig‘ini kuchaytirish ustida ishlamoqda, chunki Romelu Lukaku mavsum oxirida «Chelsi»ga qaytishi mumkin.
Fichajes xabariga ko‘ra, «neradzurrilar» «Tottenxem» hujumchisi Risharlisonga qiziqish bildirmoqda.
Avvalroq, Risharlisonga «Real» ham befarqmasligi haqida xabarlar tarqalgan edi. 10 may kuni 26 yoshga to‘ladigan braziliyalik futbolchini nufuzli transfermarkt portali ekspertlari 55 million yevroga baholamoqda.
Risharlison o‘tgan yozdan beri «Tottenxem»da o‘ynamoqda. O‘shandan beri braziliyalik 32 ta rasmiy o‘yinda maydonga tushib, o‘z hisobiga 3 ta gol va 4 ta golli uzatma yozdirib qo‘ygan.